Zaman Bank криптаны «көлеңкелі аймақтан» шығарып, Қазақстандағы компанияларға жаңа мүмкіндіктер ашуда
Криптовалюта «көлеңкелі аймақтан» шығып, бизнестің құралына айналуда. Zaman Bank трансшекаралық есеп айырысулардың жаңа дәуірін бастады: Central Asia Fintech Summit аясында Қазақстандағы алғашқы АҚШ-тан теңгеге стейблкоин арқылы жүргізілген төлем кейсін таныстырды. Zaman Bank бизнес көшбасшысы Алмат Дощанов цифрлық қаржылық активтердің (ЦҚА) тәжірибеден кәсіпкерлер үшін жұмыс істейтін құралға айналу жолын көрсетті.
Алмат бұл қадам тек жаһандық трендтерге жауап беріп қана қоймай, сонымен қатар әлемдік тенденцияға орай әрекет екенін атап көрсетті: Ernst & Young компаниясының 2023 жылғы қыркүйектегі зерттеуіне сәйкес, 2030 жылға қарай трансшекаралық төлемдердің 10%-ға дейіні (шамамен 4,2 трлн доллар) стейблкоиндерді пайдалана отырып жүзеге асырылатын болады.
Бұл қалай жұмыс істейді?
Жоба АХҚО лицензиясына ие Deliryo компаниясымен серіктестікте жүзеге асырылған. Трансшекаралық төлем схемасы былай ұйымдастырылған:
- Америкалық компания стейблкоиндердегі (USDT) төлемді Қазақстандағы компанияға Deliryo компаниясының АХҚО -дағы крипто әмиянына жібереді.
- Қаражат автоматты түрде теңгеге конвертацияланады.
- Теңге клиенттің Zaman Bank-тегі шотына аударылады.
Барлық операция - жылдам, ашық және комплаенс талаптарына толығымен сай.
Бизнес үшін бұл геймчейнджер. Кәсіпкер ресми банк арнасы, ашық бағам және алаңсыз жұмыс істей алатын заңды алаңда жұмыс істеу мүмкіндігін алады
Банк стейблкоиндер мен токенделген активтер негізіндегі төлем сценарийлерін дамытуда үлкен әлеуетті көріп, келесі құралдарды енгізуді жоспарлап отыр:
- Криптокарталар және On/Off-Ramp: Цифрлық активтерге қарапайым «кіру» және «шығу» мүмкіндігі.
- QR-төлемдер: Тауарлар мен қызметтерді стейблкоин әмиянынан тікелей төлеу мүмкіндігі.
- Қаржыландыру: Цифрлық активтерді кепілге қойып несие алу.
- Криптокомпаниялар үшін инфрақұрылым: Шоттар, 24/7 төлемдер, эквайринг және комплаенс-қорғау «бір терезе» режимінде.
Стейблкоиндердің жаһандық капитализациясы 300 млрд доллардан асып, Орталық Азияда криптоактивтерге деген қызығушылық қарқынды өскендіктен, Zaman Bank дәстүрлі қаржы мен жоғары технологияларды біріктіріп, Қазақстанды заңды және жылдам есеп айырысулардың цифрлық хабына айналдыруға ниетті.
Анықтама:
Zaman Bank — адамдар, дәстүрлер және технологиялар. Біздің жұмысымыздың ортасында — адамдар: олардың мақсаттары, принциптері және әділдікке ұмтылысы. Біз дәстүрлерді құрметтейміз, онда моральдық бағдарлар, адалдық және рухани құндылықтар негізделген. Қазіргі заманғы технологияларды пайдалана отырып, біз қаржылық қызметтерді қолжетімді, ыңғайлы және барынша ашық етеміз.
Zaman Bank — өткенді және болашақты ұштастыратын синтез, мұнда әркім өз қаржысын сенімді басқара алады, өзіне және наным-сеніміне адал болып қала отырып. Біз уақыт тілінде сөйлейтін және клиенттеріміздің сеніміне, мәдениетіне терең құрметпен қарайтын банкті құрып жатырмыз.
