Тіркелу үшін:

- Телефон нөміріңізді және ЖСН енгізіңіз;
- SMS-код арқылы нөміріңізді растаңыз;
- Жылдам биометриядан өтіңіз (бұл бірнеше минутты алады);
- Кіру үшін құпия кодты ойлап табыңыз

- Тіркелу кезінде ойлап тапқан 4 таңбалы кодты енгізіңіз. 

- Егер Face ID немесе саусақ ізі арқылы орнатсаңыз - бетті сканерлеу немесе саусақты қою жеткілікті.

1. Қолданбаны ашып, аккаунтыңызға кіріңіз.
2. Содан кейін "Профиль" бөліміне өтіп, "Кіру кодын өзгерту" тармағын таңдап, экрандағы нұсқауларды орындаңыз.

Кіру экранындағы "Кодты ұмыттыңыз ба" түймесін түртіп, нұсқауларды орындаңыз. Бұл қосымшаға кіруге көмектеседі.

Қосымшаға өтіп, "Профиль" бөлімін ашып, "биометриямен кіру" тармағын таңдап, нұсқауларды орындаңыз.

Биометриялық сәйкестендіру - бұл физиологиялық және биологиялық ерекшеліктерге негізделген банктің электрондық қызметтерін алу құқығын біржақты растау мақсатында жеке басты анықтау процедурасы.

Мына нұсқаулықты қоланып көріңіз:

1. Кодты ұмыттыңыз ба? Кіру экранындағы «Кодты ұмыттыңыз ба» түймесін басып, нұсқауларды орындаңыз.

2. Деректерді тексеріңіз. Телефон нөмірі мен ЖСН дұрыс енгізілгеніне көз жеткізіңіз.

3. SMS коды келмей ме?
- Интернетіңіз тұрақты екеніне көз жеткізіңіз.
- Телефон нөмірін тексеріңіз.
- Бірнеше минут күтіңіз де, әрекетті қайталаңыз.

4. Бәрін сынап көрдіңіз, бірақ көмектеспей ме? Бізге 4077 нөміріне қоңырау шалыңыз, анықтауға көмектесеміз.

1. App Store немесе Google Play-ден Zaman Bank қосымшасын жүктеп алыңыз.
2. Оны ашып, тіркеу кезінде пайдаланған телефон нөмірін және ЖСН енгізіңіз.
3. Нөмірді SMS-код арқылы растаңыз.
4. Биометриядан өтіңіз.
5. Кіру үшін жаңа код - құпия сөзді орнатыңыз.

1. Егер Сіз әлі тіркелмеген болсаңыз, тілді бірінші экраннан - телефон нөмірін және ЖСН енгізген жерден таңдауға болады.
2. Тіркелгеннен кейін тілді профильде өзгертуге болады (белгішенің жоғарғы сол жақ бұрышы).
3. «Қолданба тілі» тармағын таңдап, нұсқауларды орындаңыз.

Қазір қосымшада жеке деректерді өзгерту мүмкін емес.
Егер аты-жөніңіз, телефон нөміріңіз немесе тағы бір деректер өзгерсе, 4077 нөміріне хабарласыңыз. Мамандар жаңартуға көмектеседі.

Егер телефон жоғалып кетсе немесе ұрланса, бірден Банктің қолдау қызметіне 4077 нөмірі арқылы хабарласыңыз. Біз аккаунтқа қолжетімділікті жедел бұғаттап, қажет болған жағдайда карталарды да уақытша тоқтатуға көмектесеміз.

Карта реквизиттерін, PIN кодтарын және SMS кодтарын ешкімге айтпаңыз. Мобильді бағдарламаға логин мен кіру кодын бермеңіз.
- Біреудің өтініші бойынша басқа қосымшаларды орнатпаңыз.
- «Қауіпсіз шоттарға» ақша аудармаңыз.
- Банк, мемлекеттік органдар немесе қауіпсіздік қызметі қызметкерлерінің қоңырауларына және хабарламаларына сенбеңіз.
- Егер олар таныс адамдардан келсе де, күмәнді сілтемелер арқылы өтпеңіз.
- Егер Сізден ресми арналардан тыс - мысалы, мессенджерлер арқылы сөйлесуді сұраса, сөйлесуді жалғастырмаңыз.
- Өзіңіз Байланыс орталығына хабарласқан жағдайларды қоспағанда, БРП растау кодтарын хабарламаңыз.

Zaman bank ешқашан құпия сөздерді, PIN-кодтарды немесе қол жеткізу кодтарын сұратпайды. Егер бір нәрсе күдікті болып көрінсе, бірден сөйлесуді тоқтатыңыз және 4077 нөміріне хабарласыңыз.

Барлық операциялар автоматты түрде мобильді қосымшада тіркелу кезінде көрсеткен нөмірге SMS түрінде келеді. Бұл нөмір өзекті екеніне көз жеткізіңіз.

SMS хабарлама қызметі үшін комиссия алынбайды. Сіз хабарландыруларды тегін аласыз.

SMS-хабарламалар Банктің мобильді қосымшасында тіркелгеннен кейін автоматты түрде қосылады. Қызмет тегін көрсетіледі. Қазіргі уақытта мобильді қосымша арқылы SMS-банкингті өшіру мүмкін емес. Біз функционалдылықты кеңейту үшін жұмыс істеп жатырмыз және болашақта осы мүмкіндікті қосамыз. Егер Сізге қызметті өшіру қажет болса, 4077 нөміріне хабарласыңыз.

Тексеру шотын ашудың екі жолы бар:

1. Zaman bank мобильді қосымшасында тіркеу арқылы (тек Қазақстан Республикасының азаматтары үшін).

2. Банктің кез келген кеңсесіне хабарласуға болады, ең бастысы - жеке куәліктің түпнұсқасын ұмытпау.

Астана, Алматы немесе Екібастұз қалаларындағы бөлімшелерде өзіңізбен бірге:

1. Шетелдік паспорт.
2. Резидент емес тұлғаның ЖСН (салық нөмірі).
3. Қазақстанда болу құқығын растайтын құжат (виза, келуі туралы хабарлама, уақытша тіркеу және т.б.).
4. + 7 коды бар телефонның жұмыс нөмірі (шетелдік болуы мүмкін). 

Назар аударыңыз: Банктің мобильді қосымша резидент емес тұлғаларға қолжетімді емес.

Банктің Астана, Алматы немесе Екібастұз қалаларындағы бөлімшелерінде ағымдағы шотты ашу үшін:

1. Қазақстан Республикасында тұруға ықтиярхат.
2. Қазақстан Республикасының салық төлеушісі ретінде тіркелгенін растайтын ЖСН (жеке сәйкестендіру нөмірі).
3. Қазақстан аумағында болу құқығын растайтын құжат (виза, келу туралы хабарлама, уақытша тіркеу және т.б.).
4. Қазақстандық телефон нөмірі немесе + 7 коды бар кез келген басқа нөмір
Назар аударыңыз: Банктің мобильдік қосымшасы ҚР тұруға ықтиярхаты бар тұлғаларға қолжетімді емес.

Банктің мобильді қосымшасы арқылы шот ашқан кезде жеке басын куәландыратын құжат талап етілмейді.
Банк бөлімшелерінде шот ашқан кезде жеке басын куәландыратын құжаттың түпнұсқасын ұсыну қажет

Сенімхат бойынша шот ашу тек Астана, Алматы және Екібастұз қалаларындағы Банк бөлімшелерінде ғана мүмкін болады, бұл ретте сенімхатта шот ашуға өкілеттіктер нақты көрсетілуге тиіс.

Нотариаттық сенімхат бойынша шот ашу үшін мынадай құжаттарды ұсыну қажет: 
1. Сенімхаттың түпнұсқасы; 
2. Сенім білдірушінің жеке куәлігінің көшірмесі; 
3. Сенім білдірілген тұлғаның жеке куәлігінің түпнұсқасы.

Банктің мобильді қосымшасы арқылы ағымдағы шот теңгемен ашылады. Жақын арада АҚШ долларымен және еуромен шот ашу мүмкіндігі қолжетімді болады.

Банктің мобильді қосымшасы арқылы шот ашқан кезде-0 теңге; 
Банк бөлімшелерінде шот ашу кезінде-1000 теңге;
Шотты жабу - 0 теңге, шотта қалдық болмаған жағдайда; 
Шотты жабу - 1000 теңге, шоттағы қаражат қалдығы 1000 теңгеге дейін болса, қалдық қайырымдылыққа аударылады;
Клиенттің шотына теңгемен және шетел валютасымен (ресей рублінен басқа) ақша толтыру — 0 теңге.
Клиенттің шотына Ресей рублімен (RUB) ақша толтыру – соманың 5% (минимум – 50 000 RUB).
Пайдаланылмаған шотты жүргізу (клиент немесе оның өкілі шот бойынша соңғы жасаған операция күннен бастап 12 ай ішінде кіріс/шығыс операциясы жасалмаған шот) - шоттағы қалдық сомасы, бірақ ай сайын 500 теңгеден аспайды; 
Қолма-қол ақша беру: 
Ұлттық валютадағы ағымдағы шоттан (тариф қаржыландыру және депозиттен қолма-қол қаражат беруде қолданылмайды)- Соманың 0,5% (минимум-200 теңге);
Шетел валютасындағы ағымдағы шоттан (тариф қаржыландыру және депозиттен қолма-қол қаражат беруде қолданылмайды)- Соманың 0,9% (минимум-500 теңге);
Ұлттық валютадағы депозиттен - 0 теңге;
Шетел валютасындағы депозиттен - 0 теңге; 
Қаржыландыру шеңберінде ұлттық валютадағы ағымдағы шоттан-0 теңге.

Банктік шоттардың болуы / болмауы туралы анықтама:
* Банк бөлімшесінде - 1 000 теңге (3 (үш) жұмыс күні ішінде);
* Банктің мобильді қосымшасында - 0 теңге;

Кезең ішіндегі ақпаратты көрсете отырып, банктік шоттардың болуы туралы анықтама:
* Банк бөлімшесінде - 1 500 теңге (3 (үш) жұмыс күні ішінде);
* Банктің мобильді қосымшасында - 0 теңге;

Банктік шоттардың болуы / болмауы туралы шұғыл анықтама беру:
* Банк бөлімшесінде - 2 000 теңге (бір күн ішінде);
* Банктің мобильді қосымшасында - 0 теңге.

Шоттың болуы және/немесе ағымдағы шоттағы қаражаттың қалдығы туралы анықтаманы pdf форматында онлайн алуға болады:

1. Zamаn Bank қосымшасын ашыңыз;
2. "Ағымдағы шот" бөліміне өтіп,"Анықтамалар" тармағын таңдаңыз;
3. Анықтама түрі мен тілін таңдаңыз;
4. "Поштаға жіберу" түймесін басыңыз немесе жіберудің басқа әдісін таңдаңыз.

Сондай-ақ, анықтаманы Банк бөлімшесінен алуға болады. Егер сізде бөлімшеге бару мүмкіндігі болмаса, сіз үшінші тұлғаға нотариалды куәландырылған сенімхат бере аласыз. Сенімхатта банктік шоттар бойынша анықтамалар алу туралы тармақ міндетті түрде көрсетілуі тиіс.

1. Zaman Bank қосымшасын ашыңыз.
2. «Ағымдағы шот» бөлімінде «Үзінді көшірме» түймесін таңдаңыз.
3. Өтініш тілі мен кезеңін таңдаңыз.
4. «Электрондық пошта арқылы жіберу» түймесін басыңыз немесе басқа жіберу әдісін таңдаңыз.

Өтініш PDF форматында жіберіледі.

Ағымдағы шотты қолма-қол және қолма-қол ақшасыз жолмен толтыру;
Деректемелер бойынша ағымдағы шоттан басқа банкке аудару;
Банк бөлімшелерінің кассасынан қолма-қол ақша алу; 
Ағымдағы шот бойынша үзінді көшірмелер беру;
Банктік шоттың болуы / болмауы туралы анықтама беру.

Шоттың бұғатталуының негізгі себептері: 
1. Мемлекеттік органдар алдындағы міндеттемелерді орындамау (мысалы, салықтар бойынша берешек); 
2. Мерзімі өткен несие немесе банктер алдындағы басқа міндеттемелер; 
3. Сот шешімі. 

Шотты бұғаттау туралы толық ақпаратты төмендегі сілтемелер бойынша Мемлекеттік органдардың сайттарынан алуға болады:
Салық берешегі туралы мәліметтер: https://kgd.gov.kz/ru/app/culs-taxarrear-search-web
Атқарушылық іс жүргізу бойынша борышкерлер тізілімі: https://aisoip.adilet.gov.kz/debtors

Егер ҚР заңнамасында өзгеше көзделмесе, шығыс операциялары тек қана шектеу алынғаннан кейін жүзеге асырылады

Иә, бұғатталған ағымдағы шотты толықтыруға болады.

Ағымдағы шотты бұғаттаудан алынғаннан кейін ғана жабуға болады.

Бұғаттауды алып тастау туралы ақпаратты Банктің мобильді қосымшасы арқылы білуге болады.
Сондай-ақ, байланыс орталығына тегін 4077 нөмірі бойынша (ұялы телефоннан) хабарласуға болады.

Белгіленген шектен асатын соманы жоспарлы түрде алу кезінде (мысалы, 10 000 АҚШ доллары немесе теңге және/немесе евро баламасы) банкке алдын ала өтінім беру қажет.
Банк қаражат көзі және оларды пайдалану мақсаттары туралы ақпаратты сұрата алады.
Қажет болған жағдайда ақшаның шығу тегін растайтын құжаттарды ұсыну қажет.

Бұл шаралар Қазақстан Республикасының барлық банктерінде міндетті және мемлекеттік реттеушімен белгілеген.

Шотты жабу үшін Банк бөлімшесіне хабарласып, жеке басын куәландыратын құжатты көрсету қажет. Егер шот белсенді емес деп танылса және/немесе онда қолданыстағы заңнамада белгіленген мерзімнен артық қаражат болмаса, банктің ағымдағы шот шартын біржақты тәртіппен бұзу құқығы бар.

1. Zaman Bank қосымшасын ашыңыз.
2. Ағымдағы шот бөлімінде Шот реквизиттерін таңдаңыз.
3. Сізді қызықтыратын шот реквизиттерін көшіріңіз немесе көрсетілген экранда "Бөлісу" тармағын таңдаңыз.

Банк бөлімшесінде - комиссиясыз;
24-касса терминалында - комиссиясыз; Ақша қаражатын басқа банктен шотқа аудару жолымен - жөнелтуші банктің тарифтеріне сәйкес комиссия

Банк бөлімшесінде:
- Шот иесі жүгінген кезде жеке басын куәландыратын құжаты болуы қажет.
- Үшінші тұлға жүгінген кезде жеке басын куәландыратын құжаты болуы, алушының ЖСН-ін және шоттың деректемелерін білуі қажет.

24-касса терминалында:
- Алушының шот нөмірінің соңғы 6 санын және ЖСН-ін білу.

Басқа банктен аудару арқылы:
- Банктің толық деректемелерін және алушының шотын білу.

Бір реттік: ең төменгі сома - 500 теңге, ең жоғары сома - 500 000 теңге; 
Бір клиентке айына: 5 000 000 теңге

Иә, үшінші тұлға сіздің ағымдағы шотыңызды толтыра алады. Ол үшін қаражат салу кезінде сіздің деректемелеріңізді көрсету жеткілікті.

Ай сайынғы төлемді төлеу үшін мобильді қосымшада "қаржыландыру", бұдан әрі — "мәліметтер" бөлімінде көрсетілген ағымдағы шотыңызды ай сайынғы төлемді өтеу күніне дейін толтыру қажет. Толтыруды сіз үшін келесі ыңғайлы тәсілдермен жүзеге асыруға болады:

* Касса 24 терминалдарында;
* Банк Бөлімшесінде;
* Басқа ЕДБ-дан шотқа аудару арқылы.

Ай сайынғы төлемді өтеу үшін қаражатты ағымдағы шотта Астана қаласының уақыты бойынша сағат 18.00-ге дейін қамтамасыз ету қажет.

1. Zaman Bank қосымшасын ашыңыз.
2. «Қаржыландыру» бөлімінде «Мақсаттарыңызға арналған қаражат» баннерін немесе «Өнімді ашу» түймесін басыңыз.
3. Сома мен қаржыландыру мерзімін көрсетіңіз.
4. Сауалнаманы толтырып, деректерді өңдеуге келісім беріңіз.
5. Тез мақұлдау үшін соңғы 6 айдағы Kaspi немесе Halyk картасы бойынша үзінді көшірмені қоса беріңіз.
6. Банктің шешімін күтіңіз және жеке басын сәйкестендіруден өтіңіз.
7. Құжаттарға электрондық қолтаңбамен (ЭЦҚ) қол қойыңыз.

Содан кейін ақша Сіздің шотыңызға түседі.

Иә, Сіз филиалдың жұмыс кестесіне сәйкес жұмыс күндері Заман банкінің кез келген бөлімшесінде қарызды толық немесе ішінара мерзімінен бұрын өтей аласыз. 
Ішінара мерзімінен бұрын өтеу кезінде төлем сомасы кемінде екі айлық төлем болуы тиіс

Қарыздың сомасын Zaman Bank мобильді қосымшасының «Қаржыландыру» бөлімінен білуге болады.

Өтінім беру үшін өзіңіздің ЖСН-іңізді білу жеткілікті. Қосымша құжаттар талап етілмейді.

Қаржыландыруға арналған өтінімді қарауда комиссия жоқ.

Қаржыландыруға өтінімдерді жеке тұлғалар — 21 жастан зейнеткерлік жасқа дейінгі Қазақстан Республикасының азаматтары бере алады.

Егер Сіздің ай сайынғы төлеміңіз демалыс немесе мереке күндеріне түссе, онда төлем демалыс немесе мереке күнінен кейінгі бірінші жұмыс күніне ауыстырылады..

«Аударымдар» сервисі ақшаны басқа адамдарға тез әрі қауіпсіз жіберуге мүмкіндік береді. Сіз оны Zaman Bank мобильді қосымшасы арқылы да, Банк бөлімшесінде де пайдалана аласыз. Аударымдар Zaman Bank шоттары арасында, сондай-ақ басқа банктердегі шоттарға қолжетімді.

Zaman Bank мобильді қосымшасында сіз өзіңіздің ағымдағы шотыңыздан Қазақстанның кез келген банктеріндегі шоттарға - жеке және заңды тұлғаларға аударымдарды жібере аласыз.

- Сіздің шотыңыздан Қазақстанның кез келген банкіндегі шотқа (жеке тұлғаға да, заңды тұлғаға да)аудару; - Swift арқылы аудару.

Банктің мобильді қосымшасында-теңге;
Банк бөлімшелерінде-теңге, еуро, өзге де валюталар (техникалық мүмкіндік болған жағдайда).

Шот нөмірі бойынша Қазақстанның басқа банкіне аудару кезінде:
аударымның ең төменгі сомасы - 1 теңге;
аударымның ең жоғары сомасы-4 000 000 теңге.

Аударымдар бойынша Банк тарифтерімен сайттың"Банк тарифтері" бөлімінде танысуға болады

Аударымдар бойынша Банк тарифтерімен сайтта "Банк тарифтері" бөлімінде және банк бөлімшелерінде танысуға болады

Аударым Қазақстанның кез келген банкіне қолжетімді.

Шетелден аудару үшін халықаралық роумингтің қосылғанына көз жеткізіңіз.
Банк операцияны растау үшін Сіздің қазақстандық нөміріңізге SMS-код жібереді.
Егер нөмір қолжетімді болмаса (мысалы, роуминг болмаса), Сіз кодты алмайсыз және аударманы орындау мүмкін болмайды.

Мәселені шешу үшін Банкке 4077 нөмірі бойынша хабарласу қажет. Біз оның себебін анықтап, сізге көмектесуге тырысамыз.

Банк бөлімшесіне немесе 4077 нөміріне хабарласыңыз.
Аударманы жіберу кезінде деректердің дұрыстығына жіберуші жауап береді.

Банк бөлімшелері Астана, Алматы және Екібастұз қалаларында орналасқан.

Әр кеңсенің мекен-жайы бар толық картаны Банктің веб-сайтындағы "Филиалдар мен банкоматтар" бөлімінен табуға болады.

Жеке тұлғаларға арналған Банктің тарифтерімен сайттың "Тарифтер" бөлімінде танысуға болады

Дүйсенбі-жұма: 09: 30-дан 17:00-ге дейін
Үзіліс: 13: 00-ден 14:00-ге дейін
Сенбі және жексенбі: демалыс

Ислам банкингі - бұл ислам құқығы (шариат) қағидаттарына негізделген қаржы қызметтерінің жүйесі. Дәстүрлі банкингке қарағанда, исламдық, мысалы, алкоголь, құмар ойындар немесе қару сияқты тыйым салынған салаларға пайыздар (риба), алыпсатарлыққа және инвестицияларға тыйым салады.

Сіз біздің өнімдерді дінге қарамастан пайдалана аласыз. Ислам банкингі - бұл клиенттің діні туралы емес, ұстанатын қадилары туралы: адалдық, ашықтық және құрмет. Біз пайыздарды (риба) алмаймыз, жасырын шарттарды қолданбаймыз және күмәнді салаларға инвестиция салмаймыз. Біздің барлық шешімдеріміз нақты экономикаға, әділ серіктестікке және сенімге негізделген.

Ислам банкингі Қазақстан Республикасының заңнамасымен, сондай-ақ шариғат нормаларымен реттеледі. Ислам банктерінде исламдық принциптердің сақталуын қадағалайтын және тыйым салынған салаларды қаржыландыруды болдырмайтын исламдық қаржыландыру қағидаттары жөніндегі кеңес (ИҚҚК) жұмыс істейді.
Біздің Банктің ИҚҚК құрамына мына тұлғалар кіреді: 
Максатбек Каиргалиев - исламдық қаржыландыру қағидаттары жөніндегі Кеңестің Төрағасы; 
Алтаф Ахмад - исламдық қаржыландыру қағидаттары жөніндегі Кеңестің мүшесі; 
Адильбек Рыскулов - исламдық қаржыландыру қағидаттары жөніндегі Кеңестің мүшесі.

Ислам банкі пайыздармен кредит бермейді, өйткені пайыздарға (рибаға) тыйым салынған. Оның орнына Заман-банк қаржыландырудың баламалы түрлерін пайдаланады. Мысалы, қазіргі уақытта Банкте өнім - тауарлық мурабаха сатылды.

Исламдағы "пайыз" туралы айтқанда, әдетте "риба" — бұл белгіленген пайыздық несиеден (өсімқорлық) алынатын кірістің тыйым салынған түрі.

ZAMAN BANK ислам банкингіне көшуді 2013 жылы бастады. 2017 жылы банк Ислам банкі ретінде операцияларды жүргізуге ресми лицензия алды. Содан бері біз исламдық банкинг принциптеріне сәйкес келетін өнімдер мен қызметтерді ұсына отырып, табысты жұмыс істеп келеміз.

Біздің жолымыз бен қызметіміз туралы толығырақ "Банк туралы" бөлімінен білуге болады.