Илья Искаков Zaman Bank Басқарма төрағасының орынбасары болып тағайындалды
«Заман-Банк» Ислам банкі» АҚ Директорлар кеңесінің 2026 жылғы 17 шілдедегі шешімімен Илья Искаков 2026 жылғы 20 шілдеден бастап банк Басқарма төрағасының орынбасары лауазымына тағайындалды.
Илья Искаков – банк саласында, инвестициялық қызметте және корпоративтік қаржы бағытында 20 жылдан астам тәжірибесі бар қаржы саласының маманы. Еңбек жолында коммерциялық банктерде, микроқаржы ұйымдарында, даму институттарында және ірі ұлттық компанияларда басшылық қызметтер атқарған.
Жаңа қызметінде Илья Искаков банктің қаржылық басқару жүйесін жетілдіру, корпоративтік бизнес бағытын дамыту, қаржыландыру көздерін тарту, тәуекелдерді басқару жүйесін жетілдіру және банктің стратегиялық бастамаларын іске асыру бағыттарына жетекшілік етеді.
Бұл тағайындау Zaman Bank басқарушы командасын одан әрі нығайтуға және банктің заманауи исламдық қаржы институты ретіндегі орнықты даму стратегиясын тиімді жүзеге асыруға бағытталған.
