Виртуалды картаны қалай алуға болады:

1. Zaman қосымшасына тіркеліңіз, карта автоматты түрде шығарылады.

2. Егер Сіз қосымшада тіркелген болсаңыз, Басты бет → «Карталар» бөліміне өтіп, «Картаны ашу»  функциясын таңдаңыз. 

Түймені басып, SMS арқылы телефон нөміріңізге жіберілген бір реттік пароль (OTP) арқылы сауалнама өтінішіне қол қоя аласыз. Содан кейін карта бірден шығарылады.

Маңызды: Мобильді қосымшада тіркелу және картаны шығару тек Қазақстан Республикасының азаматтарына ғана қолжетімді.

Zaman Сізге Mastercard Platinum виртуалды картасын ұсынады.

Platinum виртуалды картасы 3 жыл мерзімге шығарылады.

Виртуалды картаның қызмет көрсету шарттары:

Картаны шығару — тегін (0 теңге);
Бірінші жылы қызмет көрсету — тегін (0 теңге);
Екінші жылдан бастап — айына 150 теңге.

Сіздің қаражатыңыздың қауіпсіздігін қамтамасыз ету мақсатында Zaman картамен операциялар бойынша транзакциялық лимиттер белгіледі. Лимиттердің бір бөлігін 4077 тегін (ұялы телефоннан) байланыс орталығына хабарласу арқылы өзгертуге болады.

Байланыс орталығына жүгіну арқылы өзгертуге / жоюға болатын лимиттер:

1. Интернетте тауарлар мен қызметтерге ақы төлеу — тәулігіне 100 000 теңгеге дейін (немесе шетел валютасындағы балама).
2. ҚР-да және одан тыс жерлерде банкоматтар мен POS — терминалдар арқылы қолма-қол ақша алу-тәулігіне 500 000 теңгеге дейін (немесе шетел валютасындағы балама).
 3. Шетелдегі POS-терминалдар арқылы қолма — қол ақшасыз төлем-тәулігіне 500 000 теңгеге дейін (немесе балама).

Ескерту:

Қолма-қол ақшаны алудың максималды сомасы:

– Айына 5 000 000 теңге (немесе шетел валютасындағы балама).
– Бір операция үшін 1 000 000 теңге
 бұл лимиттер жоюға немесе өзгертуге жатпайды.

Өзгертуге / жоюға жатпайтын лимиттер:

1. Картадан картаға аударымдар:

– Бір аударым үшін 5 000 USD дейін;
– Тәулігіне 10 000 USD дейін;
– Айына 50 000 USD дейін.
(теңгемен немесе шетел валютасындағы балама)

2. Шариғат нормаларына қайшы келетін тауарлар мен қызметтерге қолма-қол ақшасыз ақы төлеу
– МСС-кодтар тізімі негізінде шектеледі ([«құжаттар»] бөлімін қараңыз).

3. Тәуекелі жоғары елдерде қолма-қол ақша алу және қолма-қол ақшасыз төлем
– елдер тізімі негізінде шектеледі ([«құжаттар»] бөлімін қараңыз).

Карта бойынша лимиттерді өзгерту үшін 4077 тегін нөмірі бойынша Zaman Байланыс орталығына хабарласу қажет.

Zaman мобильді қосымшасында лимиттерді басқару функциясын енгізу бойынша банк белсенді жұмыс істеуде.

Жаңартуларды қадағалаңыз, сервистің қолжетімділігі туралы ақпарат қосымшада көрсетіледі.

Картаны бұғаттауға немесе бұғаттан шығару үшін 4077 тегін нөмірі бойынша Zaman Байланыс орталығына хабарласу қажет.

Zaman мобильді қосымшасында картаның жағдайын басқару функциясын енгізу бойынша банк белсенді жұмыс істеуде.

Жаңартуларды қадағалаңыз, сервистің қолжетімділігі туралы ақпарат қосымшада көрсетіледі.

Аударымды алу үшін карта нөмірінің алдыңғы жағындағы 16 санды көрсетіңіз.

⚠️ Үшінші тұлғаларға картаңыздың келесі деректерін беруге қатаң тыйым салынады:
 

– Карта иесінің аты-жөні;
– Картаның жарамдылық мерзімі;
– CVV/CVC коды (үш таңбалы код);
– Картаның PIN коды;
–  Төлемдер мен аударымдарды растауға арналған SMS-кодтар.

👮Сақ болыңыз:

Алаяқтар өздерін банк, полиция немесе басқа ұйымдардың қызметкерлері ретінде ұсына алады. Банк қызметкері ешқашан жоғарыда аталған деректерді сұрамайды.

Интернетте төлеу кезінде:

Әрқашан сайттың ресми екенін және қауіпсіз байланысы бар екенін тексеріңіз (https://).

Ақша аударуға уәде берсе де, ешқашан хабарламалардағы сілтемелер арқылы карта деректерін енгізбеңіз. Бұл алаяқтардың айласы.